Saf7aone

Menu

الاصل التاريخى للشيطان بافوميت و ظهوره فى مسلسل كفر دلهاب !

رجل أمريكي اسمه ” #انطون_ليفي ” انشأ أول كنيسة لعبادة الشيطان في العالم ، مقرها في سان فرانسيسكو – الولايات المتحدة . وتباعًا عمل كتاب اسمه ” #إنجيل_الشيطان ” ، الكتاب فيه تعاليم غريبة شوية ، سحر اسود ، رموز و هكذا .. اللي همنا من الموضوع إن رمز كنيسة الشيطان كان النجمة الخماسية المقلوبة ( وركزوا في انها مقلوبة دي ) ، و بداخلها #وجه_الماعز ، اطلق عليها ” #نجمة_بافوميت ” ووصفها كالتالي في انجيل الشيطان : ” منذ القديم رمز بافوميت للشيطان ، للطبيعة الحرة والسواد النقي ، اطلقوا عليه بافوميت ، الماعز السوداء ، ماعز يهوذا .. ارتباطه بالنقاط الخمس للنجمة يمثل روح الإنسان ، الطبيعة داخلنا ، نقطتان نحو الأعلى كقرنين تمثلان إزدواجية الروح البشرية ، و النقاط الثلاث الأخرى نحو الأسفل كي تدل على نكراننا للثالوث المقدس . ”
نرجع شوية بالزمن بقى لحد #عام1904 مع منجم انجليزي مشهور جدًا ، انشأ ديانة كاملة اسمها #ثيلما ، الراجل ده اسمه#اليستر_كراولي . قصة حياة كراولي طويلة جدًا بس خلينا نلخصها في انه ( عام 19000 ) انضم لجماعة غجرية بتمارس السحر ، كانت اشهر جماعة في الوقت ده في اوروبا ، كراولي درس على ايدهم علوم السحر ، علم الحروف ، الخيمياء ، و الكابالا .

بعدها انفصل عنهم و سافر .. فين ؟ ، #قاهرة_المعز فضل في القاهرة فترة كبيرة جدًا من حياته ، درس فيها اكثر في السحر الأسود و قال انه التقى هناك كيانات ساعدته يعرف و يفهم العلوم الخفية من الكون ، بسببهم #عام1904 انشأ ديانة الثيلما ( هنتكلم عنها بالتفصيل في بوست تاني )
كراولي كتب عن #بافوميت في كتاب اسمه ” سفر الأسفار ” ، اللي كتبه كان شرح بعلم الحروف عن معنى و اصل اسم بافوميت .
وقال انه مش الشيطان ، لكن هو قريب من الشيطان ، انه كيان قوي و باقي من بداية الخلق عنده القدرة يراقب ، يتحول لأفعى ، و يغوي ، وعنده قدرة على تعليم السحر ، لكن بافوميت ليس الشيطان .
قفزة تانية #عام1872 بافوميت لقى طريقه لأكبر منظمة في العالم ، الماسونية .
بس هناك استخدموه مش كرمز للشر لكن للقوة ، #البرت_بايك احد الأعضاء الأوائل للمنظمة الماسونية قال المقطع ده : ” بافوميت ليس شيطان، و ليس إله . لكن دائمًا وعلى مر التاريخ متى ظهر رمز غامض أو حكيم، إتخذته الجماهير وثنًا للعبادة . ”
ده كل اللي معروف عن علاقة بافوميت بالماسونية ..
في #عام1307م اثناء المحاكمات لفرسان الهيكل بتهمة الهرطقة في فرنسا ، كان أول ظهور للإسم على ألسنتهم ، و اتكرر كتير جدًا اثناء فترات التعذيب، وصفوه بإنه صاحب قوة ، صاحب رأس الماعز ، ذو الأعين كثيرة .. بافوميت، بافوميت ..
محدش كان فاهم هم بيتكلموا عن ايه و طبعًا اللي حصل انهم اتهموهم بعبادة الكائن الغريب اللي بيتكلموا عنه ده ، ومنها إتوجد #بافوميت الشيطان اللي متعارف عليه ده .
كان موجود اه .. كإسم ، لكن مكانش مرسوم ، اول حد رسم الرسمة دي كان رجل اسمه ” #إليفاس_ليفي ” عام 18611 ، بناء على دراسته للي حصل لفرسان الهيكل ووصفهم له . ليفي رسم #بافوميت كرمز روحي للتوازن و المعرفة ، مش كشيطان ،#النجمة_الخماسية على جبهته معدوله مش مقلوبة ، نصفه رجل و نصفه انثى ، بيشاور بإيد للأرض و ايد للسماء .. الخ . الرسمة دي انتقلت زي ما قلت فوق لأماكن و منظمات و افكار و كتب كتير جدًا ، مصدر ” #بافوميت ” كان الشرق الأوسط و تحديدًا المنطقة اللي كان فيها فرسان الهيكل .
ايه هو بالظبط ؟ مين هو ؟ .. محدش عارف ، شر أو خير مش هتفرق ،حتى معنى الإسم كله شروحات ملهوش اصل .
بالفعل زي ما قال البرت بايك :
” على مر التاريخ متى ظهر رمز غامض أو حكيم، إتخذته الجماهير وثنًا للعبادة . “

بقلم : بسمه الخولي

التعليقات

قول تعليقك