Saf7aone

Menu

قصة سفاح كرموز

سعد اسكندر عبد المسيح (سفاح كرموز) اصلا من محافظه اسيوط كان نجم الساحه والاعلام فى مصر لمده خمس سنين كامله من سنه 1948 ولغايه سنه 1953 , اتسبب فى رعب لاهالى اسكندرية بعد سلسلة جرايم قتل الستات اللى ارتكبها في الفتره دى.

سعد سافر اسكندريه عشان يستلف شويه فلوس من قرايب له ويأجّر شونه عشان يخزن فيها الغلال ومنتجات القطن بس في فتره قصيره حولها مسرح لمغامراته الاجراميه , فيه ناس بيقولوا ان اللى ساعده فى استدراج الستات كان شخصيته الجذابه.

72658_10152539597120311_2117032375_n

سفاح كرموز قتل ست عجوزه عمرها 90 سنه, بس فيه جاره شابه ليها شافته وهو بيقتلها فحاول يقتلها هى كمان وضربها بعنف بس لسوء حظه ممتتش وبلّغت عنه وقالتلهم على أوصافه فالبوليس قبض عليه بس مهاره المحامى اللى أجّره خلّتهم يفرجوا عنه, فرجع تاني يمارس نشاطه بعد سنتين كان مختفى فيهم, فقتل تاجر قماش متجول بعد ما استدرجه للشونه وكان قايلله انه عايز يشتري قماش واستولى على فلوسه ودفنه فى أرض الشونه زي ريا وسكينه , وبعد كده استدرج تاجر حبوب للشونه وطعنه كذا طعنه واستولى على اللى معاه بس قبل ما التاجر يموت جرى بره فالناس اللى فى الشارع شافته

اتقبض على ” السفاح ” واتقدم للمحاكمه اربع مرات واصدرت المحكمه اول حكم لها بالاشغال المؤبده مرتين بعد كده صدر حكمين بالاعدام. اتعدم الساعه تمانيه الصبح يوم 25 فبراير سنة 1953 وكان اخر حاجه طلبها وهو فى اودة الاعدام .. كوباية ميه وسيجاره وبعد كده ابتسم ابتسامه مش مفهومه وهو بيواجه المشنقه.

التعليقات

قول تعليقك